「我會做好呢份工」全攻略

收到這個電郵，笑得樂不可支。我把收到的再增補，再加死貓別注版：

第一集 (最好笑，格律最完整)

「『我會做好呢份工』大有可能成為今年家家戶戶貼在牆上的賀年揮春，而且在人人爭相效尤之下，曾氏口號在坊間衍生出多個版本，個個勵精圖治，社會一片和諧。不同版本茲錄如下——
地盤工：我會鑿好呢個窿！
肥師奶：我會煮好呢餐送！
麻雀腳：我會打好呢隻東！
便秘漢：我會出好呢個恭！
經紀陳：我會賺好呢個佣！
祈福黨：我會博好呢個懵！
蠱惑仔：我會紋好呢條龍！
一樓一：我會做好呢隻鳳！
私鐘妹：我會出好呢個鐘！
女明星：我會隆好呢個胸！」

第二集 (重複的刪減):
氣功師﹕「我會發好呢次功！」 八達通公司﹕「我會整好八達通！」 天文台﹕「我會測好呢個風！」 鐘表師﹕「我會整好呢個鐘！」 廚師﹕「我會爆好呢碟蔥！」 ╳╳公司的專業員工﹕「我會五點九就鬆…… 」

第三集 (格律比較鬆散，但創意也不錯):

海關︰「我會睇實呢個zone」

妓女︰「我會走多轉私鐘」

富豪雪糕︰「我會"針"滿呢個cone」

陳曉東︰「我會跟翻載思聰」

火化︰「我會燒好呢副bone」

士兵︰「我會好好地進攻」

我︰「我會不停發up 風」

食客︰「我會食埋呢碗檬」

靚女︰「我會請佢食檸檬」

學外語人士︰「我要學好靈格風」

寶貝智多星kelvin︰「我會再次home alone」

長毛︰「我會競選新界東」

賊仔︰「我會搜掠個一空」

學生：「我會還晒d grant loan」

足球員：「我會打好d前鋒」

家庭傭工 : 「我會睇好個家翁！」

卡拉ok陪酒女郎：「我會chok好個"色盅"！」


唔好比佢停！讓死貓來續寫：

天文台：我會測好呢個風！(哎呀overlap左添)
毛毛蟲：我會結好呢個蛹！
大耳窿：我會放好呢個loan！
單身女：我會媾好呢隻公！
老菜農：我會種好呢條葱！
裝修佬：我會駁好呢條通！
狐狸精：我會搶到你老公！
老人院：我會湊好個老翁！
賭馬迷：我會搏盡呢分鐘！
曾x權：我要拆左大笨鐘！

希望大家不要「一世做死呢份工」啦……